ولقيت نفسى كأنى طاير فى السما وشايف نفسى من فوق
أهلى حبايبى بيبكوا وناس بتعزيهم وتقولهم كان راجل ذوق
وارحامى بيبسونى وبيسألوا إن كان فيه حد عايز منى حقوق
شويه ولقيت راجل دخل قلعنى هدومى وبسم الله بيغسلنى
ونشفنى وكفنى وربط بين صوابع رجليه وعلى القبر حضرنى
وجه أبنى وصحابه شالونى حطونى على خشبه تحملنى
وركبت عربيه مشيت بينا شويه وسامع انين وبكاء ابنى
وسابونى فيها لوحدى عشان ياخدوا العزا فيه يا مصبتى
وسمعتهم بيصلوا الفرض اللى عليهم وانا ميت مستنى
جم شالونى دخلونى المسجد وعند القبله حطونى
ووقف صلى ابنى عليه امام وهو يا حبيبى بيبكى
وحسيت ببرد وسلام وأهلى والناس بتدعيلى
وسلموا وشالونى وعلى المقابر براحه ودونى
وشفت حفره تراب فى تراب يالهووى ده قبرى
فردونى على جنبى اليمين وحد كشف لى وشى
وطلع بعدها يجرى وفى قبرى لوحدى سابنى
شايف ضوء كل شويه بيروح أصل دى ساعه دفنى
الدنيا بقت ظلام جدا مش شايف حتى نفسى
لقيت نفسى بقعد غصب عنى وصوت رهيب بيسألنى
أأأأه يارب يارب يا رحمن يا رحيم انت حسبى إنقذنى
وصحيت من النوم لقيت نفسى بقول يارب ارجعنى
إضافة رد
يارب ارجعنى ( اقرائها وقولى حسيت بأية ) 
إقتباس
