الإبداع الفضائي - طريقة عمل وتحضير شاورما الدجاج مع المقادير 2014

شاورما الدجاج 2014 , طريقة عمل شاورما الدجاج بالصور مع المقادير 2014
هنقدملكم اليوم من مطبخ منتدى الإبداع الفضائي اجمل الاكلات الشهية التى يحبها الكبار والصغار , وطبق اليوم اللى بنقدمه هو شاورما الدجاج بطريقة سهلة وبسيطة ولكن طعمها جامد جدا وصدقونى اجمل من المطاعم , الشاورما طبق بنحبه وبنطلبه كثير فى اى مطعم لانه فى المطاعم او الكافتريات بيكون ليه نكهه وطعم مميز وجميل جداا , ايه رايكم النهاردة نعمل الشاورما بطريقة بيتى والذ من اللى بناكلها بره , تعالوا بينا نعرف المقادير وطريقة التحضير وهتعجبكم جدا .

المقادير :-
1 كيلو فراخ مخليه مقطعه شراح او مكعبات
4 ملاعق مستردة
1 ملعقة بهارات + فلفل اسود
2 ملعقة خل
2 ملعقة عصير ليمون
1 بصلة مفرومة
1 بصلة شرائح
4 ملاعق صلصة طماطم
4 ملاعق زيت
https://www.fadaeyat.co/vb/storeimg/i...745138_674.jpg

الطريقة :-
نقوم بعمل خلطة الفراخ باضافة جميع المكونات السابقة اليها فى اناء من فراخ والمستردة والخل والليمون والبصلة المفرومة والملح والبهارات وملعقة زيت ونتركها لمدة 2 : 3 ساعات بالثلاجة ثم نضع الخلطة فى طاسة بها 3 ملاعق زيت على نار هادئة مع التقليب واضافة صلصة الطماطم ونقلب حتى تنضج الفراخ ثم نضيف بصلة مقطعه شرائح ونقلب حتى تزبل البصلة ونضعها فى سرفيس ونزينها ببعض الخضروات وتقدم وبالهنا والشفا