الجهاز مرات يهنّق و ما يشتغل + شلون أرجّع كلمة السر ؟

سلام عليكم شباب توني داش عالم الدريم بوكس << شدعوة عالم المرح

المهم .. جهازي 800 .. وشغّال كويّس .. لكن بعض المرات يهنّق .. فـ أفصل واير الكهرباء عنه .. وبعدين أركّب واير الكهرباء مرة ثانية .. وأشوف إضاءة فتحة الإيثرنت شغالة .. لكن شاشة الجهاز LCD ما تشتغل .. والجهاز بـ كبره ما يشتغل .. مو أقل من 5 مرات أفصل الواير و أنتظر كم ثانية وأرد أركبه يالّه يشتغل !!

الصراحة شي يضيّق الخلق .. وآنا اللي سامع إنه جهاز جدا قوي ومن النادر يهنّق .. لكن الجهاز قاعد يعلّق معاي مرة عالأقل يوميا !!

معلومات جهازي:

DreamBox DM800
Linux 2.6.12-5.1
Release 0440
Image 2009.07.16
Enigma 2009.07.16

على فكرة .. آنا أخذت الجهاز للمحل اللي شريته منه وقلتله عن المشكلة .. وكنت بنفس الوقت ماخذ معاي هارديسك 320 غيغا علشان يركبه .. فـ قالي إنه عشان يركّب الهارديسك لازم ينزّل سوفت وير جديد وبالمرة راح تنحل سالفة التهنّيق .. لكن سلامتكم المشكلة ما زالت مسمترة وبنجاح كبير

شغلة على طريقنا صاحب المحل "الحلو" مغيّر باسورد الجهاز .. شلون أرجعه مرة ثانية لكلمة السر الأصلية اللي هي dreambox ؟؟

هذا والسلام عليكم ورحمة الله وبركاته

مقالات ممكن أن تعجبك :

• صور مكتوب عليها ارحل , رمزيات أرحل , صور كلمة أرحل
• فشل الدخول الى ويندوز 10 بسبب كلمة السر , ماذا تفعل لو نسيت كلمة مرور ويندوز 10
• الصيانة من الألف إلى الياء, تعليم الصيانة للمبتدئين والمحترفين
• معلومات عن كلمة السر التي أنقذت الطيار الروسي
• هذه المشاركة لذكر بعض اسرار ريموت الهيوماكس 5400

أشكرك أخي الكريم على سرعة تجاوبك

بالنسبة لسؤالك الأول .. أعتقد أن جهازي ما يشتغل على الملتي بوت

بالنسبة لتركيب صورة جديدة .. كيف أعرف رقم إصدار الصورة اللي عندي ؟؟ اللي أشوفه فقط تاريخ الصورة !!

سؤال .. الفني أخذ يومين وإهوه يجرّب أكثر من صورة علشان تضبط على الهارديسك الداخلي (320 غيغا) اللي ودّيته حقه علشان يركبه .. يقول لي كل ما يركب صورة ما يضبط الهارديسك بالنسبة للتسجيل .. فبالغصب ضبط معاه الإصدار اللي إهوه مركبه الحين !!

فأخاف أغيّر الإصدار وبعدها ما يشتغل الهارديسك !! أهم شي عندي التسجيل هل تعتقد أن الفني قاعد يشلّخ علّي أو ممكن هالشي يصير ؟

بالنسبة لإسترجاع حالة المصنع .. إشتراكي (MgCam) .. فـ فايلات الإشتراك موجودة داخل (/var/keys/) .. هل إنت متأكد أن إسترجاع حالة المصنع ما تمسح الفايلات الموجودة في هالمسار ؟

سؤال ثاني بهالخصوص .. هل في طريقة إني أركب فلاش ميموري وأنسخ الملفات اللي أحتاجها من الجهاز إحتياطا ؟ المشكلة إني ما أقدر أشبك (FTP) بسبب أن الباسورد مو معاي !!

وشاكر لك جهودك يالغالي